Շատ մարգարեություններ են հիմա հնչում, որոնք վերաբերում են միսիային և ա վետարանչությանը: Ես կարծում եմ, որ առաջին միսիոներները հետապնդումներից խուսափելու համար գնում էին միսիայի` դրանով փրկելով իրենց անձը (տե՛ս Գործք): Բայց այն միսիոներներին և ավետարանիչներին, որոնց Աստված հիմա է ուղարկում, գնում են, որովհետև նրանց առաջնորդում է Աստծո կատարյալ սերը: Աստծո սերն է, որ մեզ զգոն և սթափ է պահում, ստիպում ու տանում է` առաջնորդելով այն դրդապատճառներով, որոնք մաքուր և ճիշտ են Աստծո առջև: Այդ սերն է պատճառը, որ ցանկանում ենք գնալ այնտեղ, ուր Աստված ուղարկում է, և ծառայելով տեսնել մեծ հունձքը, վերջին օրերի հունձքը: Աստծուց տրված այս պատասխանատու մանդատով մենք չպետք է էներգիա խնայենք` հետին պլանում թողնելով մեր անձնական խնդիրներն ու հոգսերը:
Քննադատական մտքեր և խոսքեր
Մեր կյանքի բացասական երևույթները կարող են խանգարել, որպեսզի չգնանք և սիրով չծառայենք մյուսներին: Մեր մտքերն ու խոսքերը կարող են խոչընդոտել` ազատորեն շարժվելու Քրիստոսի ողորմածության մեջ: Դրա կարևորության մասին Պողոսն ասում էր. «…մեր զինվորության զենքերը մարմնավոր չեն, այլ` Աստծով զորավոր` բերդեր քանդելու. խորհուրդներ ենք քանդում, և ամեն բարձրություն, որ գոռոզանում է Աստծո գիտության դեմ, և գերի ենք բռնում ամեն մի միտք` Քրիստոսին հնազանդեցնելու համար»: (Բ Կորնթ. 10.4,5) Մի քանի տարի առաջ մենք « Մաքուր սիրտ» կոչվող մի դասընթաց առաջարկեցինք, որի հեղինակը Մարկ Վիրկլերն էր` Բաֆալոյից (Նյու Յորք): Ըստ իս` այդ դասընթացն արժեր միլիոն դոլար. այն` կյանքի հարցերը տեսական և թեոլոգիական ոլորտից ուղղում էր անմիջապես սրտին: Ես երբեք չեմ մոռանա երկրորդ գլուխը` « Տարբերել մեղադրողին մխիթարողից»: Այնտեղ Մարկը համարձակ հայտարարություն էր արել, որ ամեն մի բացասական միտք և արարք մշտապես գալիս է թշնամուց, իսկ յուրաքանչյուր դրական միտք, որը կյանք է տալիս ու օգնում մտքերի զարգացմանը, մշտապես Սուրբ Հոգուց է: Նա ասում էր, որ թշնամին միշտ բացասական է, իսկ Սուրբ Հոգին՝ միշտ դրական: Քանի որ ես այդ ժամանակ նոր էի լսում Աստծո ձայնը, չէի հասկանում, որ Աստված շատ հաճախ խոսում է մեր մտքերում: Ես հավատում էի, որ եթե մենք ջերմեռանդ աղոթենք և ծոմ պահենք, ապա ժամանակ առ ժամանակ կլսենք Նրա ձայնը: Կարծում էի` Աստծո ձայնը լսելը հանդիսավոր երևույթ է լինելու` կշարժվեն ծանր վարագույրները, կորոտա ամպրոպը, շատ գրավիչ կլինի և այդ ժամանակ կասենք. «Աստված այսօր խոսեց մեզ հետ»: Ես չգիտեի, որ Նա խոսում է նաև սովորական մտքերի միջոցով: Երբեք մտքովս չէր անցել, որ իմ ներսում եղել է և կա մի մեղմ ձայն, որ ասում է. «... Սա՛ է ճանապարհը, սրանո՛վ գնացեք...» (Եսայի 30.21): Մենք իմացանք, որ Աստված խոսում է այս ձևով և մեզ համար մեծ անակնկալ չէր, երբ իմացանք, որ սատանան էլ է խոսում նմանօրինակ: Դուք հեշտությամբ կարող եք լսել, թե ինչ պես է նախոսում ձեզ հետ: Դուք երբևէ լսե՞լ եք, թե ինչպես է սատանան փսփսում ձեր ականջին: Բայց Աստված, որ օժտված է անհամեմատելի մեծ զորությամբ, նույնպես խոսում է ձեզ հետ ամեն ժամանակ: Մարկը շարունակեց զարգացնել այդ թեման. մեղադրողը մեղադրում է, իսկ Մխիթարիչը` մխիթարում: Պարզ է, բայց նաև իմաստուն: Մարկն իր սրտում և հավատաց յալի կյանքում բացահայտել էր, որ իր մտքերի գրեթե ութսուն տոկոսը եղել է բացասական, քննադատական կամ մեղադրական և միայն քսան տոկոսն է եղել դրական. պատկերացնու՞մ եք, ութսուն տոկոսը բացասական է:
Հայերեն 
English