Աստված Իր մեջ ունի կյանքը հաստատող ուժ, և երբ մենք փրկվում ենք, սատանայի իշխանությունից փոխադրվում ենք Աստծո իշխանություն, որտեղ մեզ համար Աստծո բոլոր խոստումները «այո» և «ամեն» են Հիսուսով: Բայց գոյություն ունեն նաև սխալ աստվածաբանություն, ավանդույթներ ու մտածելակերպ, որոնք ցանկանում են կապել և մոլորեցնել մեզ՝ դարձնելով երկչոտ ու հոռետես: Մեր անձնական վերաբերմունքը կյանքին, աշխարհից եկող ճնշումներն ու բացասական փորձը մեզ ավելի արագ են ձևավորում, քան մենք կարող ենք պատկերացնել: Այս բոլոր դրսևորումները զրկում են մեզ այն ներուժից, որ Աստված է դրել մեր մեջ: Մենք ունենք թշնամի, որը փորձում է ճնշել մեզ և ստիպում է, որ ինքներս մեզ կանգնեցնենք փակուղու առջև: Այսպիսով՝ սկսում ենք ապրել՝ կենտրոնացնելով մեր ուշադրությունը անձնական հարցերի վրա և բաց ենք թող նում Աստծո օրհնությունները: Այս աշխարհի հոգին իր մեջ ունի ինքնադատապարտում և բացասական տրամադրվածություն, որը թաքնված է արտաքին հանգստության և բարեկեցության դիմակի տակ: Պետք է ասել, որ կարիք չկա դուրս գալ աշխարհ և մարդկանց մեջ փնտրել այս բաները, որովհետև դրանք կան յուրաքանչյուրիս մեջ: Մեր մեջ ապրում է ինչ-որ ներքին զգացողություն, այլ կերպ ասած՝ բնազդ: Եվ այդ բնազդը մեր կամքով չի գործում: Դա գալիս է բնական ճանապարհով և գործում է ինքնըստինքյան: Հաճախ մենք մտածում ենք մեր անհաջողությունների մասին և մոռանում ենք մեր ունեցած հաղթանակները կամ թեկուզ այն փաստը, որ դեռևս կենդանի ենք և կարող ենք չնայել արդեն անցյալում մնացած անհաջողություններին:
Թանկարժեք միտք
Նախքան մեղքը կմտներ Ադամի և Եվայի սիրտը և նրանց կանջատեր Աստծուց, ամեն բան սկիզբ առավ նրանց մտքում: Եվան ենթարկվեց իր մտքին, որը նրան սատանան էր մատուցել: Այդպիսով՝ Եվան ընկավ իր ամուսնու հետ միասին, ում վրա դրված էր ամբողջ պատասխանատվությունը: Ամեն բան սկսվեց նրանց մտքում: Այդ պես է պատահում նաև մեզ հետ. հայտնվում է մի բարի միտք և տանում է մեզ դեպի Աստծուն, հետո գալիս է մի չար միտք և հրապուրելով մեզ՝ հեռացնում Նրանից: Անհրաժեշտ է, որ մենք հասկանանք՝ մեր միտքը դատարկ տարածություն չէ, որտեղ ամեն բան կարող է տեղ գտնել: Արարչության ժամանակ Աստված մեզ իշխանություն տվեց՝ իշխելու մեր մտքերի, ինչպես և մեր շնչի վրա: Այն, ինչն ամուր չես բռնում, կորցնում ես: Այն, ինչը չես կարողանում պահել, ընկնում է: Աստվածաշունչն ասում է, որ պետք է հստակ պահես քո միտքը, պահպանես և պաշտպանես այն: Հագեք փրկության սաղավարտը, քանի որ անհրաժեշտ է պաշտպանել շատ կարևոր մի բան՝ ձեր միտքը: Մենք մինչև վերջ չենք հասկանում այն պայքարի կարևորությունը, որը տեղի է ունենում մեր մտքի դաշտում: Այսօր մենք մեզանիցներ կայացնում ենք այն, ինչ երեկ մտածել ենք մեր մասին: Եթե այսօր դու դժգոհ ես քեզանից, ապա պետք է փոխես քո մտածելակերպը: Հնարավոր է, որ դա դժվար աշխատանք է, բայց, փառք Աստծուն, մենք ունենք Սուրբ Հոգի, Որը մեծ ձգտում ունի մեզ օգնելու: Աստվածաշունչն այդ ընթացքն անվանում է մտքի նորոգում (Հռոմ. 12.2): Մտքի նորոգումը չի գալիս կախարդական փայտիկի շարժումով կամ ձեռնադրումով: Մի՛ մտածիր, թե այդ պահին կունենաս ինչ-որ անսովոր ապրումներ, և դրանից հետո կփոխվի մտածելակերպդ: Իհարկե, հնարավոր է, որ ձեռնադրումն ու անսովոր ապրումներն օգնեն քեզ, սակայն հաճախ մենք ուզում ենք ինչ-որ անսովոր ճանապարհներով արագ հասնել արդյունքի, որպեսզի ստիպված չլինենք աշխատանք տանել այդ ուղղությամբ: Աշխարհում մարդը կարող է դնել ականջակալներ և միացնել բարձր երաժշտություն, որպեսզի ոչ մի բանի մասին չմտածի: Քրիստոնյաները կարող են նույն ձևով վարվել. «Այ, եթե ես մասնակցեի մի փառավոր հավաքույթի, որպեսզի մոռանայի դժվարություններս, այդ ժամանակ իսկապես ամեն ինչ կհարթվեր»: Սակայն բավական չեն միայն հավաքույթները, որքան էլ որ նրանք հրաշքներով լցված լինեն: Համարյա ամեն բան Հիսուսը ժամանակին փոխանցեց աշակերտներին, որպեսզի փոխի նրանց մտածելակերպը: Եթե դու արթնություն ես ուզում, ապա ոչ թե այս աշխարհի մտածելակերպը պետք է փոխվի, այլ քո: Աշխարհն ինքն իրեն փոխել չի կարող, քանի որ հոգեպես մեռած է: Մարդիկ պետք է փոխվեն արթնանալով, չէ՞ որ ոչ ոք չի կարող մեռած մարդուն ասել. «Մա՛րդ, փոխվի՛ր»: Մենք ինքներս պետք է փոխվենք: Միգուցե դու մտածես. «Չէ՞ որ ես փոխվել եմ: Շատ գրքեր եմ կարդացել, հիմա էլ նոր շարժման մեջ եմ»: Այս դեպքում ես քեզ համար լավ լուր ունեմ. դու կարիք ունես նորից փոխվելու: Մտքի նորոգումը մի ընթացք է: Եվ եթե դուք ինչ-որ անհաջողություն ենք ունեցել, փորձեք ամեն բան նորից սկսել: Աստիճանաբար դու կնկատես այն ազատությունը, որ գալիս է մտքերիդ մեջ: Կտեսնես, որ քեզ մոտ հայտնվել են ուրիշ մտքեր, և դու սկսել ես ամեն ինչի նկատմամբ այլ վերաբերմունք ցուցաբերել: Այդ ազատության մեջ դու ունես մեծ հնարավորություններ: Եթե ես Սուրբ Հոգու օգնությամբ կարողանամ դա քեզ նկարագրել, ապա քեզ հետ ինչոր բան կկատարվի. դու կթողնես շնչավորը, մարմնականը և կսկսես հոգով ապրել, կտեսնես քո առջև բացված անսահման հնարավորությունները:
Հայերեն 
English
