ՈՒխտեր ԵՎ Օրհնություններ

(0)

ՆԵՐԱԾՈՒԹՅՈՒՆ

Հաճախ է ասվում, որ քարոզչի գլխավոր նպատակն է` աստվածաշնչյան

ճշմարտությունը հրեական ձևից տվյալ դարին հասկանալի լեզվով

և մտածելակերպով փոխանցելը: Նա սովորական քրիստոնյայի

համար Աստվածաշունչը պետք է դարձնի հասկանալի և ընդունելի:

Սակայն մտավախություն կա, որ փոխանցման փորձերն ավելի շուտ

վատ արդյունք կունենան, քան լավ, որովհետև թարգմանության ըն-

թացքում բուն ուղերձի զորությունը կորչում է: Քրիստոնյաների մի

սերունդ կգա, որին անծանոթ կլինի Աստվածաշնչի լեզուն, որով Աստված

խոսել է: Թարգմանության ձևակերպման ժամանակ որոշ տեքստե-

րի ճշմարտության մեծ մասը կկորչի: Լավ աստվածաբանը նա է,

ով հիմնվում է ոչ թե թարգմանությունների, այլ` Աստվածաշնչի

բնագրի վրա: Ճշմարիտ քրիստոնեական կյանքի համար ոչինչ

այնպես զորացնող և բժշկող չէ, ինչպես Սուրբ Հոգու յուրաքանչյուր

խոսքը բնօրինակով ուսումնասիրելը:

Գրվածքի գրեթե չգործածվող բառերից է «ուխտ»-ը: Կար ժա-

մանակ, երբ ուխտը ինչպես աստվածաբանության, այնպես էլ

ուժեղ, սուրբ մարդկանց քրիստոնեական կյանքի հիմնաքարն էր:

Մենք գիտենք, թե այդ բառն ինչ խորությամբ թափանցեց Շոտլանդիայի

ազգային կյանքի և մտածելակերպի մեջ, ինչի արդյունքում այնպիսի

մարդիկ բարձրացան, որոնց համար և՛ Աստված, և՛ Նրա խոստումներն

ու զորությունը իրական էին դարձել: Մինչև հիմա էլ այն զորացնում և

հաջողություն է բերում նրանց, ովքեր ջանում են ամբողջ կյանքում

ապրել այն համոզվածությամբ, որ իրենք Աստծո հետ ուխտի մեջ են:

Աստված երդվել է` նրանց կյանքում հավատարմորեն կատարել Իր

յուրաքանչյուր խոստումը:

Այս գիրքը մի համեստ փորձ է` ներկայացնելու, թե Աստված ինչ օրհ-

նություններ է ուխտել մեզ համար: Նա երաշխավորում է, որ ուխտը

պետք է կատարվի, կարող է կատարվել և կկատարվի:

Այս գրքի էջերում կկարդաք, թե ինչպես կարելի է մոտենալ Աստծուն,

թե որոնք են ուխտի օրհնությունների ամբողջական և շարունակական

ձեռքբերման պայմանները: Եթե ինձ հաջողվի օգնել ձեզ, որ հասկանաք`

ինչ է ասել Աստված Իր ուխտի մասին, և Նրան վերաբերվեք որպես ուխ-

տի Աստծո, ապա վստահ եմ, որ դա ձեզ ուժ և ուրախություն կպարգևի:

Վերջերս իմ ծանոթ թղթակիցներից մեկը նամակ էր ուղարկել

հետևյալ բովանդակությամբ. «Կարծում եմ` ինձ կհասկանաս և կներես,

եթե ասեմ, որ կա զորության ևս մի կետ, որը ցանկալի կլիներ ընդգրկել

բարեխոսության մասին քո հաջորդ գրքում:

Այս ձմեռ մի պարզ ուսմունք եմ ստացել Աստծուց, որի բովանդակությունը

բարեխոսական աղոթքում Նոր ուխտի դերն է:

Գիտեմ, որ հավատում ես ուխտին և ուխտի միջոցով մեզ տրված իրավունք-

ներին: Շարունակո՞ւմ ես արդյոք հետևել ուխտի վերաբերյալ տեսակետնե-

րիդ: Ճի՞շտ եմ արդյոք, որ կարող ենք համարձակորեն մտնել Աստծո ներ-

կայության մեջ և ոչ միայն խնդրել, այլև Հիսուս Քրիստոսի միջոցով պահան-

ջել ուխտից բխող մեր իրավունքները: Եթե որոշես ուխտի մասին խոսել

այնպես, ինչպես Աստված է առաջնորդում, կարծում եմ` Տիրոջ համար

լավ ճանապարհ կպատրաստես` Իր ժողովրդին արթնացնելուև հիշեցնելու

այն զորության մասին, որ նրանց տվել է ուխտի միջոցով: Ուրախ կլինեմ,

եթե Աստծո ժողովրդին ասես, որ նրանք ուխտի մեջ են»:

Այս գիրքը գրելու պատճառը միայն այս նամակը չէր: Գրքում մեր

ուխտի իրավունքները ներկայացված են ավելի լայն իմաստով,

քան աղոթքի մեջ դրանց կիրառումն է: Հավատացած եմ, որ

բարեխոսական աղոթքներում մեզ ոչինչ չի օգնի այնպես, ինչպես

այն հայտնությունը, որ Աստված ուխտի Աստված է:

Իմ մեծ ցանկությունն էր` քրիստոնյաներին հարցնել` նրանք

իսկապե՞ս փորձում են դառնալ այնպիսին, ինչպիսին Աստված

կամենում է, որովհետև միայն այդ դեպքում նրանց հավատքը

կարող է տեսնել, ընդունել կամ վայելել Աստծո փրկությունը:

Քանի դեռ սպասում ենք, որ Աստված մեզ համար կանի այն, ինչ

խնդրում կամ մտածում ենք, սահմանափակում ենք Նրան: Երբ

հավատանք, որ Նրա մտքերը մեր մտքերից այնքան բարձր են,

որքան երկինքը` երկրից, և սպասենք, որ Նա գործի մեր մեջ Իր

Խոսքի համաձայն, այդ ժամանակ պատրաստ կլինենք ապրելու

Քրիստոսի ճշմարիտ, գերբնական, երկնային կյանքով, որը Սուրբ

Հոգին կկառուցի մեր ներսում:

Թող Աստված ընթերցողներից յուրաքանչյուրին առաջնորդի

Իր ներկայության ծածուկ վայրը և ցույց տա Իր ուխտը:

Էնդրյու Մյուրի

ԳԼՈՒԽ 1

ՈՒԽՏԻ ԱՍՏՎԱԾԸ

«Եվ իմացի՛ր, որ քո Եհովա Աստվածն է Աստված` հավատարիմ Աստված,

որ Իրեն սիրողների և Իր պատվիրանները պահողների համար մինչև

հազար ազգը ուխտ ու ողորմություն է պահում»:– Երկրորդ Օրինաց 7.9

Մարդիկ գիտեն ուխտ կնքելու առավելությունները: Ուխտը հաճախ

նշանակել է փոխադարձ ատելության և անվստահության ավարտ,

համաձայնության պայմանագիր որևէ ծառայության համար, որակի

և ազնվության երաշխիք կամ վստահության ու բարեկամության հիմք:

ԱՍՏԾՈ ՈՒԽՏԸ

Չնայած մարդու անվերջանալի տկարություննեին և կարիքներին`

Աստծո հավատարմության խոստումը վեր է մարդկային

բոլոր ուղիներից: Նա մեզ կատարյալ վստահություն և ամբողջա-

կան երաշխիք է տալիս Իր և այն ամենի հանդեպ, ինչ խոստացել է

անել Իր անսահման կարողությամբ և զորությամբ: Աստված

համաձայնել է Իրեն կապել ուխտով, կարծես Նրան չէր կարելի

վստահել: Օրհնված է այն մարդը, ով իսկապես ճանաչում է Աստծուն`

որպես իր ուխտի Աստծո, և գիտի, թե ինչ է խոստանում

իրեն այդ ուխտը: Պատկերացրեք, թե ինչ վստահություն է տալիս

դա իր սպասումներին: Ուխտի բոլոր կետերը պիտի կատարվեն:

Ով տեղյակ է, որ Աստված անխախտ է պահում Իր ուխտը, Աստծուց

ամուր բռնելու և պահանջելու հիանալի հնարավորություն է ստանում:

Այն մարդը, ով ցանկանում է իր ամբողջ կյանքը վերափոխել,

ճշմարիտ և կենդանի հավատք ունենալ, պետք է անդադար խորհի

ուխտի մասին: Երբ գիտակցում ենք, թե Աստված ինչ է կամենում անել,

և համոզված ենք, որ այդ ամենը կկատարվի, խոնարհաբար հանձնվում

ենք Աստծուն, և ուխտը վերածվում է Երկնքի դարպասների:

Աստված մարդուն ստեղծեց Իր պատկերով և նմանությամբ, որպեսզի

նրա կյանքը նման լիներ Իր` Արարչի կյանքին: Դա տեղի է ունենում

այն ժամանակ, երբ Աստված ապրում և գործում է մարդու մեջ: Դրա

համար էլ մարդը, լինելով աստվածային կյանքի կրողը, ստացողը և

ցուցադրողը, պետք է կախվածության մեջ լինի այդ սքանչելի փառքից:

Նրա երջանկության գաղտնիքներից մեկը ամբողջ էությամբ Աստծո

կամքին վստահաբար հանձնվելն է: Երբ մեղքը աշխարհ եկավ, Աստծո

հետ այս փոխհարաբերությունը խզվեց: Մարդը, չհնազանդվելով

Աստծուն, վախեցավ և հեռացավ Նրանից: Նա այլևս չցանկացավ